ავარია მარნეულში - ცნობილი ხდება გარდაცვლილის ვინაობა

მარნეულში მომხდარ ავტოსაგზაო შემთხვევას ერთი ადამიანის სიცოცხლე ემსხვერპლა.

შემთხვევა დღეს, 6 მაისს, მარნეულის საავტომობილო გზაზე მოხდა. გავრცელებული ინფორმაციით, „ოპელის მარკის ავტომობილის მძღოლმა, რასიმ მამედოვმა, სავარაუდოდ, საჭეზე კონტროლი დაკარგა, რის შემდეგაც ავტომობილი განათების ბოძს შეეჯახა.

ავარიის შედეგად მძიმედ დაშავებული 52 წლის მამაკაცი სასწრაფო სამედიცინო დახმარების ბრიგადას კლინიკაში გადაჰყავდა, თუმცა გზაში გარდაიცვალა.

შემთხვევის ადგილზე მობილიზებული იყვნენ სამართალდამცველები. მომხდარზე გამოძიება მიმდინარეობს.