“სწორედ ეს გადაწყვეტილება არ აპატიეს”- 21 წლის გოგო რომელიც, შეყვარებულმა გაძარცვა, ბიძაშვილმა კი წამებით მოკლა

საქართველოში მომხდარი 21 წლის ფატიმა ქერიმოვას მკვლელობის საქმეზე ახალი, შემზარავი დეტალები ხდება ცნობილი. „პირველების“ მიერ მოპოვებული ფოტომასალა ადასტურებს, რომ ახალგაზრდა ქალი სიკვდილის წინ სასტიკი წამების მსხვერპლი იყო.

დანაშაულის ქრონოლოგია და სისასტიკე ოჯახის წევრებისა და ახლობლების მონათხრობით, ბრალდებულმა, რომელიც მოკლულის ბიძაშვილია, დანაშაული განსაკუთრებული სისასტიკით დაგეგმა. არსებული ინფორმაციით, მან წინასწარ იქირავა ბინა, სადაც მსხვერპლი მიიყვანა. სხეულზე არსებული კვალი მოწმობს, რომ ქალს აწამებდნენ — მას სკამზე აბამდნენ და სხეულზე სიგარეტს აწვავდნენ, საბოლოოდ კი ბალიშით გაგუდეს.

ყველაზე შოკისმომგვრელი დეტალი მკვლელობის შემდგომ პერიოდს უკავშირდება: ბრალდებულმა ფატიმა ქერიმოვას წამების ამსახველი ფოტოები თავად გადაუღო და მოკლულის დას გაუგზავნა.

დანაშაულის მოტივი: ე.წ. „ოჯახის ღირსება“ გარდაცვლილის და მედიასთან პირველ ინტერვიუში განმარტავს, რომ ტრაგედიის სათავე ოჯახის მიერ იძულებითი ნიშნობა გახდა. ფატიმამ, რომელიც ამ გადაწყვეტილებას არ ეთანხმებოდა, სხვა მამაკაცთან ერთად აზერბაიჯანიდან საქართველოში გაქცევა გადაწყვიტა. ოჯახის ახლობლების ვარაუდით, სწორედ ამ ნაბიჯის გამო გადაწყვიტეს ნათესავებმა „ოჯახის ღირსების აღდგენის“ საბაბით მისი სასტიკი ანგარიშსწორება.

ღალატი და ხაფანგი მეგობრების თქმით, საქართველოში ჩამოსვლის შემდეგ ფატიმა მძიმე მდგომარეობაში აღმოჩნდა: მამაკაცი, რომელთან ერთადაც ის გამოქცეულა, მას გაქურდა და მიატოვა. დაუცველმა ქალმა დახმარებისთვის ახლო ნათესავს მიმართა. სწორედ ამ დროს გამოიყენა ბრალდებულმა მისი ნდობა, დახმარების საფარქვეშ საცხოვრებელ ბინაში გადაიყვანა და სასტიკად მოკლა.

სამართლებრივი მოთხოვნა დანაშაულის ჩადენის შემდეგ ბრალდებული მამაკაცი საქართველოდან გაიქცა და, არსებული ინფორმაციით, ამჟამად თურქეთში იმყოფება. არასამთავრობო ორგანიზაცია „საფარი“ სამართალდამცავებს საქმის ოპერატიულად გამოძიებისკენ, ბრალდებულის დაკავებისა და მისი საქართველოში ექსტრადირებისკენ მოუწოდებს, რათა მან კანონის წინაშე მკაცრი პასუხი აგოს