“ეს რა ცუდი ამბავი მოგვივიდა”- ახლახანს სამწუხარო ინფორმაცია გავრცელდა
საქართველოს სამარიტელთა კავშირის თანამშრომელი, პოლიტიკოს გოკა გაბაშვილის მეუღლე, რევაზ ლაღიძის შვილიშვილი, ირინა კლდიაშვილი გარდაიცვალა.
ცნობილია, რომ ბოლო პერიოდში ის მძიმე სენს ებრძოდა და სტამბოლში გარდაიცვალა.
ირინა კლდიაშვილის გარდაცვალების შესახებ მისმა ახლობლებმა და მეგობრებმა სოციალურ ქსელში წერენ:
ანა ლაღიძე:
„ეს რა ცუდი ამბავი მოგვივიდა სტამბოლიდან, ღმერთო ჩემო. ვერ ვიჯერებ. სულ მქონდა იმედი, ჩემო ლამაზო და ტკბილო ირინა. ეს არ უნდა მომხდარიყო.“
ბექა გოჩიაშვილი:
„ნათელში იყავი და მიყვარხარ ძალიან! მადლობა იმ სიყვარულისთვის, რაც შენგან მიგრძნია – ჩემდამი და მუსიკის მიმართ. ყოველთვის უშუალოდ და დეტალურად აღნიშნავდი ყველაფერს. მეტს უბრალოდ ვერაფერს ვამბობ. გპირდები, რომ ბევრ ბალადას მოგიძღვნი, რაც შენ და ჩვენს „ჯაზის სამეგობროს“ ძალიან გვიყვარდა. ახლა რომში ვართ, ნიკუშამ ჯარეტის კონცერტზე წამიყვანა და ბევრი უკარგესი ადამიანიც თან გვახლდა. ოჯახს და მეგობრებს ვუსამძიმრებ!“
ვასო გაბუნია:
„ჩემო უკარგესო, ულამაზესო და უმშვენიერესო გოგო. შენთან გატარებული ყოველი წუთი – მოსწავლეობის პერიოდიდან ერთად მუშაობამდე – ბედნიერება იყო. დღეს მეტს ვერაფერს გეტყვი...
P.S. შენი ბოლოს მოწერილი წერილი ვნახე ახლა – გპირდებით, რომ ძალიან მალე ყველაფერი ისე იქნება საქართველოში, როგორც შენ გინდოდა.“
