სოციალურ ქსელში ახალგაზრდა ქალის გარდაცვალების შესახებ სამწუხარო ინფორმაცია ვრცელდება
სოციალურ ქსელში ახალგაზრდა ქალის გარდაცვალების შესახებ სამწუხარო ინფორმაცია ვრცელდება. მეგობრები და ახლობლები თეა ბარამიძის გარდაცვალების გამო სამძიმარს უცხადებენ ოჯახს. როგორც ირკვევა, ახალგაზრდა ქალი მძიმე სენს ებრძოდა.
თეა ბარამიძის გარდაცვალების შესახებ წერს ექს-პარლამენტარი ზვიად კვაჭანტირაძეც.
„ჩვენი ძვირფასი მეგობარი აღარ გვყავს. უმაგრესი, უსაყვარლესი თეკო. ყველაფერში მისაბაძი ადამიანი. კეთილი, თბილი, ჭკვიანი, ლამაზი, საუკეთესო დედა და მეუღლე, საუკეთესო მეგობარი. წლებია, ებრძოდა ვერაგ დაავადებას და დღეს დილით მაინც გარდაიცვალა. გარდაიცვალა, მაგრამ არ დამარცხებულა. ერთხელაც კი არ მოდრეკილა წელში მთელი ამ წლების მანძილზე. გუშინაც კი საყვარელი ანასტასიას გამოსაშვებ ზეიმზე მივიდა, მიუხედავად იმისა, რომ ძალ-ღონე აღარ ჰქონდა. დილით კი წავიდა… მშვიდობით, ჩვენო უკარგესო გოგოვ!!!! ყოველთვის გვეხსომები და გვეყვარები. ყოველთვის!!!“ - წერს ზვიად კვაჭანტირაძე სოციალურ ქსელში.
