გიორგი ყიფშიძე ურთულესი სარეაბილიტაციო მკურნალობის შემდეგ პირველად ალაპარაკდა
მსახიობი გიორგი ყიფშიძე ცოტა ხნის წინ გავლილ რეაბილიტაციის კურსზე საუბრობს და გულახდილად აღნიშნავს, რომ არ ეგონა თუ იმ სიტუაციიდან გამოსავალი არსებობდა, მაგრამ კეთილი ადამიანის დახმარებით მან ეს გამოსავალი იპოვა და დღეს თავს ბედნიერად გრძნობს.
„გიორგი დღეს არის ძალიან ბედნიერი ადამიანი, რადგან მეორე შანსი მომეცა ცხოვრებაში, რომელიც კეთილმა ადამიანმა მაჩუქა და ეს მივიღე ბოლომდე. 3 თვის წინ რომ გადავხედო ჩემ თავს როგორი ვიყავი, მახსენდება, რომ ვიყავი უიმედო, ყურებჩამოყრილი და გაუბედურებული ადამიანი და უცებ გამოჩნდა ჩემ ცხოვრებაში კეთილი ადამიანი, რომელსაც არ ვიცნობდი და გადაწყვიტა, რომ დამხმარებოდა. ჩემი მფარველი ანგელოზი ასე მიწერია დღეს ეს ადამიანი ტელეფონში“, - ამბობს გიორგი ყიფშიძე.
ცნობისთვის, მსახიობი, გიორგი ყიფშიძე რამდენიმე თვის წინ სამკურნალოდ თურქეთში წავიდა და იქ რეაბილიტაციის კურსს გადიოდა. იგი, წლების განმავლობაში სხვადასხვა დამოკიდებულებას, მათ შორის წამალდამოკიდებულებას ებრძოდა.
