"კითხვები მაქვს ვახო სანაიას ყოფილ მეუღლესთან, ბავშვობის ძმაკაცთან და გარდაცვლილი ძმის მეწყვილესთან" - თეონა ბაღდავაძის ვიდეომიმართვა

"მე მაქვს კითხვები ვახო სანაიას შვილების დედასთან, მის დევნილ ბავშვობის ძმაკაცთან და მისი გარდაცვილი ძმის მეწყვილესთან მხოლოდ, რომლებიც ვახოს დაკავების ნიუსს წაიკითხავენ ეთერში" - ამის შესახებ თეონა ბაღდავაძე სოციალურ ქსელში წერს და ვიდეოს აქვეყნებს.

ცნობისთვის,ჟურნალისტი ვახო სანაია საკუთარ საცხოვრებელ სახლთან დააკავეს. სამართალდამცავები ვახო სანაიას სახლში მას შემდეგ მივიდნენ, რაც მოსამართლემ სანაიასთვის 14-დღიანი ადმინისტრაციული პატიმრობის შეფარდების გადაწყვეტილება მიიღო.

ვახო სანაია დღევანდელ სასამართლოს სხდომას არ ესწრებოდა.

როგორც მან დაკავებამდე ჟურნალისტებს განუცხადა, ის გაჩუმებას არ აპირებს.

„არ არსებობს არანაირი გარემოება, სადაც მე საკუთარი სიტყვის თავისუფლებას შევზღუდავ”, - განაცხადა სანაიამ.