"გამწარებულმა დედამ უნდა გაიგოს მისი შვილის ამბავი!" - გაუჩინარებული გურა დადიანიძის საქმის ადვოკატი განცხადებას ავრცელებს

გაუჩინარებული გურამ დადიანიძის საქმის ადვოკატი, ტარიელ კაკაბაძე სოციალურ ქსელში წერს:

"როგორც საზოგადოებისთვის ცნობილია, მოვითხოვეთ გამოძიების დუშეთიდან თბილისში გადმოტანა! სახელმწიფომ უნდა გამოიყენოს ყველა რესურსი ყველა დეტალის გასარკვევად.

საქმეში უნდა მოხდეს გამომძიებელთა ახალი გუნდის ჩართვა! მადლობა, რომ ამ 2 თვეში ბევრი რამ გაკეთდა, თუმცა კიდევ უფრო მეტია გასაკეთებელი! გამწარებულმა დედამ უნდა გაიგოს მისი შვილის ამბავი! მადლობა საზოგადოებას ასეთი ნდობისთვის, მაგრამ საქმის გამოძიებას არ ატარებს დაზარალებულის ადვოკატი. საქმის გამოძიების უფლება აქვს მხოლოდ საგამოძიებო ორგანოს და არა ადვოკატს. ველოდებით შსს-ს გადაწყვეტილებას," - წერს ტარიელ კაკაბაძე.