ვინ არის 23 წლის გოგო, რომელიც კახეთის ერთ-ერთი სოფლიდან გაიტაცეს?

კახეთში, სოფელ კაბალიდან, 23 წლის ქალი გაიტაცეს. შემთხვევა დღეს დილით მოხდა.

“მოიტაცეს თსსუ-ს მე-6 კურსის სტუდენტი გუნელ გასანოვა.” – ინფორმაცია სოციალურ ქსელში ვრცელდება.

ახალგაზრდა ქალის ბიძა ამბობს, რომ გამტაცებლემბა ძალა გამოიყენეს. რადიო თავისუფლების ინფორმაციით, არსებობს გატაცების ამსახველი ვიდეოკადრებიც, რომელიც ბიძის ნათქვამს ადასტურებს.

“ოთხნი იყვნენ, მოცვივდნენ და გოგო მანქანაში ჩატენეს. გოგოც და მისი ბებიაც წინააღმდეგობას უწევდნენ, თუმცა ვერაფერს გახდნენ. გოგომაც და ბებიამაც სხეულის დაზიანებები მიიღეს. ვიცით იმ მანქანის მოდელი და ნომერი, რომლითაც გაიტაცეს.

პოლიციასაც შევატყობინეთ თუმცა ადგილსამყოფელი ვერ დაადგინეს. ჩვენი ძალებით გავიგეთ ავტომობილის სავარაუდო სამყოფელი. პოლიციას ესეც ვუთხარით. ახლაც გამოკითხვაზე ვართ პოლიციაში“, – ამბობს გატაცებული ქალის ბიძა.