საშინელი თაფლობისთვე, ცხოვრების მძიმე პერიოდი და 21 წლის ასაკში შექმნილი ოჯახი - ცოტა რამ ნინო ჩხეიძის პირადზე

მისი სიმღრებისგან განსხვავებით, ნინოს პირადი ცხოვრება ბევრმა თქვენგანმა შეიძლება არ იცოდოს, ამ ბლოგში სწორედ ამას გიამბობთ.

ნინო ჩხეიძე 21 წლის ასაკში გათხოვდა. მისი მეუღლე ბიზნესმენი გიორგი კორახაშვილია, ის 22 წლის იყო, როდესაც მომღერალზე დაქორწინდა.

თუმცა მომღერალი ხშირად აღნიშნავს, რომ გათხოვებისთვის მზად არ იყო.

„საერთოდ არ ვიყავი მზად გათხოვებისთვის. სასურველია, ქალმა ოჯახი 30 წლის მერე შექმნას. მე გამიმართლა, მაგრამ უმრავლეს შემთხვევაში ოჯახები ინგრევა, ხოლმე.“

მედიაში გავრცელებული ინფორმაციით, მიხეილ სააკაშვილმა უამრავი ბიზნესის წილში ჩასვა კორახაშვილი. ხელისუფლების ცვლილების შემდეგ გიორგი კორახაშვილი საქართველოდან წავიდა და ახლა უკრაინაში ცხოვრობს.

როგორც ნინო იხსენებდა, საშინელი თაფლობისთვე ჰქონდა:

„ძალიან რთულია გოგოსთვის, როცა თხოვდება და მის გარშემო ყველაფერი იცვლება: სამეგობრო წრე, ოჯახი, ადგილსამყოფელი და როცა ამას თან სდევს მოგზაურობა, მერე უკვე ნერვიულობის პიკში ხარ. ყველაზე რთული ის იყო, რომ კუშადასში ჩასვლის პირველი წუთებიდან, მთელი ორი კვირის განმავლობაში, ვფიქრობდი, უკან როგორ დავბრუნდე-მეთქი. ერთი სული მქონდა, წამოვსულიყავი, თან, ჩემს ქმარზე ვფიქრობდი: ჩავალ და ამას რას ვუზამ, დედაჩემს მოვუყვები ყველაფერს-მეთქი. ბოლოს ყველაფერმა ამოხეთქა. არ მიყვარს ზღვაზე დასვენება და საბოლოოდ ყველაფერს აეხადა ფარდა. გიორგი მშვიდად ეკიდებოდა ყველაფერს და თვითონაც მიხვდა, რომ ეს არ იყო ნორმალური“- ამბობდა ნინო ჩხეიძე.

ნინო ჩხეიძის და მისი მეუღლის დაშორების შესახებ ყვითელ პრესაში ბევრჯერ გავრცელებულა ინფორმაცია, ამის მთავარი მიზეზი ის იყო, რომ წყვილი ცალ-ცალკე ცხოვრობდა.

გიორგი უკრაინაში იყო, ნინოს კი თბილისში. თუმცა მომღერალმა არაერთხელ განაცხადა, რომ ეს სამსახურის გამო ხდებოდა და არა იმიტომ, რომ ერთმანეთს დაშროდნენ.

2021 წელს კი ნინოს და მისი მეუღლე ახალ წელს ერთად შეხვდნენ საქართველოში.

ნინო ვიდეოს გამოაქვეყნა, სადაც აშკარად ქართული გარემო იგრძნობა. მხარს კი მეუღლე უმშვენებს, რაც იმას ნიშნავს, რომ გიორგი კორახაშვილი საქართველოშია. უცნობია, საბოლოოდ დაბრუნდა თუ არა ბიზნესმენი სამშობლოში.

არიკო ჯერჯერობით შოუ-ბიზნესისადმი განსაკუთრებულ ინტერესს არ იჩენს, სხვა ინტერესები აქვს. თუმცა გარეგნულად სულ უფრო მეტად ემსგავსება ცნობილ დედას.

ახლა დედა-შვილი მამას საზღვარგარეთ ხშირად სტუმრობენ ერთად.

„ძალიან ნიჭიერია. სავარაუდოდ, ტვინით მამამისს ჰგავს. ამბობენ, რომ განსაკუთრებულად გახსნილი გონება აქვს და ჩემზე არ უთქვამთ ეს. მე ბავშვობაში არ მქონდა ასეთი გაბრწყინებული გონება. ამიტომ, ვფიქრობ, გიორგის ჰგავს ამაში. თვისებებითაც, ყველაფრით გიორგის ჰგავს. ზოგადად, როცა შვილზე ან ჩემზე კომპლიმენტს მეუბნებიან, მრცხვენია, მერიდება ხოლმე. მიხარია, რომ ასეთი ჩამოყალიბებლი გოგონაა“- ამბობს ნინო ჩხეიძე ერთ-ერთ ინტერვიუში.

კითხვის გაგრძელება