ქართული ფეხბურთის ვარსკვლავი ყურადღების ცენტრში - რომელ კლუბს სურს მიქაუტაძე

როგორც ჩანს, გიორგი მიქაუტაძის შესანიშნავმა თამაშმა ევროპული გრანდების ყურადღება მიიქცია. fichajes-ის ინფორმაციით, ინგლისური პრემიერლიგის კლუბი, “ვესტ ჰემი”, აქტიურად განიხილავს მისი შეძენის შესაძლებლობას.

მიქაუტაძემ ევროპა ლიგის ბოლო ტურში ბრწყინვალე შედეგი აჩვენა და “ყარაბაღს” ორი გოლი გაუტანა, რაც მისი ბომბარდირული ნიჭის კიდევ ერთი დადასტურებაა.

მიმდინარე სეზონში “ლიონი” სერიოზულ ფინანსურ სირთულეებს განიცდის, რაც კლუბს მყარი ფინანსური გადაწყვეტილებებისკენ უბიძგებს. სწორედ ამ მიზეზით, შესაძლოა, გიორგი მიქაუტაძე სატრანსფერო ბაზარზე აღმოჩნდეს, რაც “ჩაქუჩებს” აძლევს შანსს ქართველი თავდამსხმელის ხელში ჩასაგდებად.

თუ ეს ტრანსფერი განხორციელდა, მიქაუტაძე ერთ-ერთი პრემიერლიგის ყველაზე პერსპექტიული მოთამაშე გახდება და თავისი შესაძლებლობების კიდევ უფრო მეტად გამოვლენას შეძლებს