რუსეთში 5 მაგნიტუდის სიმძლავრის მიწისძვრა მოხდა

წყნარ ოკეანეში, კამჩატკის აკვატორიაში ძლიერი მიწისძვრა დაფიქსირდა. ბიძგების სიმძლავრემ 5 მაგნიტუდა შეადგინა. ინფორმაციას რუსული მედია საგანგებო სიტუაციების მართვის სამინისტროზე დაყრდნობით ავრცელებს.

უწყების ცნობით, წყნარ ოკეანეში 5 მაგნიტუდის სიმძლავრის ბიძგები დაფიქსირდა, მიწისძვრის ეპიცენტრი რეგიონული ცენტრიდან აღმოსავლეთით, 120 კმ-ში მდებარეობდა.

მათივე განმარტებით, ბიძგების ეპიცენტრი მიწის ქვეშ, 50 კილომეტრის სიღრმეზე მდებარეობდა.

სეისმოლოგიური სენსორების მიხედვით, ბიძგები პეტროპავლოვსკ-კამჩატკის ურბანულ რაიონში იგრძნობოდა, რომლის სიმძლავრეც სამ ბალამდე იყო. ცუნამის საფრთხე არ გამოცხადებულა.