მძიმე ავარია - სამგზავრო ავტობუსი ხიდის ჯებირს შეეჯახა, არის მსხვერპლი

თურქეთში, ანკარაში, სამგზავრო ავტობუსი ხიდის ჯებირს შეეჯახა, რის შედეგადაც სულ მცირე 9 ადამიანი დაიღუპა და 26 დაშავდა. ინფორმაციას თურქული მედია ავრცელებს.

ვარაუდობენ, რომ ანკარა-ესქიშეჰირის გზაზე მომხდარი ავტოსაგზაო შემთხვევის მიზეზი მძღოლის ჩაძინებაა.

ანკარის გუბერნატორის ვასიპ შაჰინის განცხადებით, ავტოსაგზაო შემთხვევის შედეგად, 9 ადამიანი დაიღუპა და 26 დაშავდა.

მისი განმარტებით, მძღოლის ჩაძინების ვარაუდს ამყარებს ის, რომ გზაზე დამუხრუჭების კვალი არაა.

საქმეზე დაწყებულია გამოძიება.