ცნობილი ფეხბურთელი ტრაგიკულად დაიღუპა

მონტენეგროს ნაკრების მეკარე მატია შარკიჩი გარდაიცვალა. ბრიტანული მედიის ცნობით, 26 წლის შარკიჩი საკუთარ სახლში გარდაიცვალა, მომხდართან დაკავშირებით სხვა დეტალები უცნობია.

შარკიჩი ინგლისში დაიბადა, თუმცა საერთაშორისო დონეზე ისტორიული სამშობლოს ღირსებას იცავდა.

სხვადასხვა დროს შარკიჩი ბელგიური „ანდერლეხტის“, ბირმინგების „ასტონ ვილას“, „ბირმინგემის“ და „სტოკის“ ღირსებას იცავდა, მისი ბოლო კლუბი კი ინგლისური „მილუოლი“ იყო.

ეროვნულ ნაკრებში შარკიჩს 9 მატჩი ჰქონდა ჩატარებული, მათგან უკანასკნელი - 5 ივნისს ბელგიის წინააღმდეგ ამხანაგური მატჩი იყო, რომელშიც ის საუკეთესო მოთამაშედ აღიარეს.