არც მიფიქრია რომ ეს უნდა დამეწერა, მაგრამ - ქრისტინე იმედაძე

მომღერალი ქრისტინე იმედაძე საახალწლოდ დაგეგმილ კონცერტებზე უარს ამბობს და ამის შესახებ სოციალურ ქსელში წერს:

„არც მიფიქრია, რომ ეს უნდა დამეწერა…

მაგალითად, ერთი კვირის წინ ან მეტი… მაგრამ რბილად რომ ვთქვათ, დიდი ინტერესი დავინახე ამასთან მიმართებაში, ამიტომ ვწერ ახლა….

ქვეყანაში არსებული მდგომარეობის გამო გარკვეული კონცერტები საერთო შეთანხმებით გაუქმდა და დანარჩენზე მე თვითონ ვთქვი უარი უკვე დიდი ხანია.

ყველამ ვიცით რომ მუსიკოსების, მომღერლების ძირითადი სამუშაო პერიოდი ახალი წელია, მაგრამ როცა ქვეყანაში ასეთი ვითარებაა – ჩემი მეგობრები, ნაცნობები ან სულაც უცხო ადამიანები ძალიან უსამართლოდ დაკავებულები ან სასტიკად ნაცემები არიან! ცხადია, რომ კონცერტის და ზეიმის დრო არ არის!