„იწვევს სიმსუქნეს, გოგონებში ჰორმონალურ დარღვევებს..." - არუნ ხათრი ვიდეომიმართვას ავრცელებს

 „გადავარჩინოთ ჩვენი ბავშვები, სანამ ძალიან გვიან არ  არის“, – ამის შესახებ სოციალურ ქსელში ხალხური მედიცინის სპეციალისტი, არუნ ხათრი წერს და ვიდეომიმართვას ავრცელებს.

 ხათრი ამბობს, რომ „ჩიფსი“ და შაქრიანი სასმელები ბავშვებს უნდა ავუკრძალოთ, რადგან ეს პროდუქტები პირდაპირ არის დაკავშირებული ჯანმრთელობის სერიოზულ პრობლემებთან.

„შვილებს რომ უყურებთ სიგარეტს როგორ ეწევიან, ფიქრობთ რომ მავნეა. გაგიკვირდებათ და „ჩიფსი“ და შაქრიანი სასმელები სიგარეტზე მეტად მავნეა. სიგარეტი კლავს და ესენიც კლავენ. სისწრაფე ზუსტად იგივეა. შეიძლება სიგარეტის მწეველს იმდენი პრობლემა არ ჰქონდეს, რამდენიც ჩიფსებისგან და შაქრიანი სასმელებისგან. აუკრძალეთ ბავშვებს ასეთი რამის ჭამა. მავნეა, იწვევს სიმსუქნეს, გოგონებში ჰორმონების დარღვევას, შემდეგ ბავშვების გაჩენის პრობლემას...“ – ამბობს არუნ ხათრი.