საქალაქთაშორისო ტრანსპორტი გაძვირდა - ცნობილია, რომელ მიმართულებებზე მოგიწევთ გაზრდილი ტარიფის გადახდა

თბილისიდან რამდენიმე მიმართულებით მიკროავტობუსებით მგზავრობა გაძვირდა. მგზავრობის საფასური დასავლეთის მიმართულებით 5 ლარით არის გაზრდილი.

მაგალითისთვის, მგზავრობის ღირებულება მაისის ბოლოდან გაიზარდა ქუთაისის, ოზურგეთის, ზუგდიდისა და მარტვილის მიმართულებებით.

როგორც „ბიზნესპრესნიუსს“ ავტოსადგურ „ოკრიბაში“ განუცხადეს, მარტვილისა და ზუგდიდის მიმართულებით მგზავრობის ფასი 30 ლარია, იქამდე კი 25 ლარი იყო.

ამასთანავე, 20 ლარს შეადგენდა ქუთაისის მიმართულებით საქალაქთაშორისო მგზავრთგადაყვანის ფასი, ახლა ღირებულება 25 ლარს გაუტოლდა.

მგზავრობა გაძვირდა ოზურგეთის მიმართულებითაც. თუ აქამდე თბილისში, სადგურის მოედნიდან ოზურგეთამდე მგზავრობა 30 ლარი ღირდა, ახლა ფასი 35 ლარს შეადგენს. განაგრძეთ კითხვა>>>