ხვიჩა კვარაცხელია და "მანჩესტერ იუნაიტედი" – ტრანსფერი ოფიციალურად დადასტურდა

იტალიური გამოცემა Sportmediaset-ის ცნობით, "მანჩესტერ იუნაიტედმა" ხვიჩა კვარაცხელიას შეძენის გადაწყვეტილება ოფიციალურად მიიღო.

ამ დროისთვის "ნაპოლის" და ქართველი ფეხბურთელის შორის კონტრაქტის განახლების საკითხი გაურკვევლობაშია, რაც ტრანსფერის შესაძლებლობას ზრდის.

წყაროს ცნობით, "მანჩესტერ იუნაიტედის" მთავარი მწვრთნელი, რუბენ ამორიმი, აპირებს გუნდს 3-4-3 ტაქტიკა შესთავაზოს, სადაც კვარაცხელიას ადგილი მარცხენა ფლანგზე იქნება. ინგლისური გრანდი ხვიჩას წლიურ ხელფასად 8 მილიონ ევროს (+ბონუსები) სთავაზობს, რაც იმ თანხის იდენტურია, რასაც მამუკა ჯუღელი "ნაპოლისგან" ითხოვს.

რაც შეეხება ტრანსფერის თანხას, "ნაპოლის" პრეზიდენტი, აურელიო დე ლაურენიტისი, კვარაცხელიას 100 მილიონ ევროზე ნაკლებად გაყიდვას არ აპირებს.

შეგახსენებთ, რომ ხვიჩა კვარაცხელია ევროპული ფეხბურთის ერთ-ერთ ყველაზე პერსპექტიულ და მოთხოვნად მოთამაშედ ითვლება. "წითელი ეშმაკები" მის დამატებას მიმდინარე სატრანსფერო ფანჯრის მთავარ პრიორიტეტად განიხილავენ.