ეს "ჩელსის" ისტორიაში პირველად მოხდა" - რა რეკორდი დაამყარა კვარაცხელიამ გუშინდელ მატჩში

ჩემპიონთა ლიგის მერვედფინალური ეტაპის განმეორებით შეხვედრაში ხვიჩა კვარაცხელიას პსჟ-მა გასვლაზე "ჩელსის" 3:0 სძლია, ორი მატჩის ჯამში 8:2 იმარჯვა და მეოთხედფინალში გავიდა, სადაც მისი მეტოქე "გალათასარაი" ან "ლივერპული" იქნება. 

შეხვედრის პირველი გოლი 5 წუთსა და 41 წამში ქართველმა ფეხბურთელმა გაიტანა, რითაც რეკორდი დაამყარა. 

"ჩელსის" წინააღმდეგ, პლეი-ოფის მატჩებში, აქამდე არცერთ ფეხბურთელს "სტემფროდ ბრიჯზე" ასეთ მცირე დროში გოლი არ ჰქონდა გატანილი. 

შეხსენებისთვის, კვარაცხელიას მონაგარი მიმდინარე ჩემპიონთა ლიგაზე 11 შეხვედრაში 7 გოლი და 4 ასისტია.