ცნობილი ხდება სენაკში ქმრის მიერ მოკლული ქალის ვინაობა – სასტიკი მკვლელობის დეტალები

3 დეკემბერს სენაკში, ნაროუშვილის ქუჩაზე ოჯახური ძალადობის მორიგი შემთხვევა უმძიმესი შედეგით დასრულდა. 49 წლის გოჩა ბარამიამ ეჭვიანობის ნიადაგზე დანით ჭრილობები მიაყენა თავის მეუღლეს, 46 წლის ქეთინო ძაძუას, რის შედეგადაც ქალი გარდაიცვალა. სამართალდამცველებმა ბრალდებული უკვე დააკავეს განზრახ მკვლელობის ბრალდებით.

მომხდარის ადგილიდან ამოღებულია დანაშაულის ჩადენის იარაღი – დანა.

ადგილობრივების თქმით, ცოლ-ქმარს შვილები ჰყავთ, თუმცა მათ მკვლელობის მომენტში სახლში ყოფნა არ დასტურდება.

გამოძიება მიმდინარეობს საქართველოს სისხლის სამართლის კოდექსის 11 პრიმა 109-ე მუხლის „კ“ ქვეპუნქტით, რაც ოჯახის წევრის მიმართ დამამძიმებელ გარემოებებში ჩადენილ განზრახ მკვლელობას გულისხმობს.